مبادرة بيئية من إبنة بلدة عدلون الأستاذة عفيفة نور الدين
نشرت إبنة بلدة عدلون الأستاذة عفيفة نور الدين على حسابها الخاص في فيسبوك: “دايماً بس روح عند اللحام وشوف كيف بلف اللحمة و بالنايلون، وبيرجع بحطا بعلبة بلاستيك او كيس نايلون ،بقول لازم نطلع من هالفكرة..عشان رمي النايلون الناتج عن اللحم ما فينا نغسلو ونبعتو للفرز لأن ما بينضف..
هالمرة ما نسيت اخد التابروير معي والموضوع انضف بكتير من استخدام النايلون.
بس تنوي تروح عند اللحام، خود معك جاط او تابروير حسب اديش بدك تطلب وهوي ح يزينن عالميزان وبحط بالوعاء اللي جايبو معك…هيك بتخفف نايلون وما بتعود تطلع ريحة النفايات اللي عندك بالبيت وما بتضطر تاخدن يومية عالمكب .
ملاحظة: اني بنشر هيك شي بهدف التوعية ولنحاول نخفف اد فينا من استعمال النايلون، هيدي اول مرة بعمل هيك..واني طبعاً مش مثالية بالأمور هيدي، بس هيدي خطوة بلشت فيها ع امل الاستمرار..بعرف كل شي بيئياً عنا بلبنان للتلف ..ولكن طالما عايشين طالما في أمل..”
