محمد رمضان من بلدة أنصار يروي قصة تلقيه خبر إستشهاد أخيه أحمد
محمد رمضان من بلدة أنصار يروي قصة تلقيه خبر إستشهاد أخيه أحمد على حسابه الخاص في فيسبوك
12/8/2017
قبل يوم من إستشهاد خيي (أحمد)
دقلي على التلفون سلم عليي
كيفك كيف عيلتك وبنتك انشاله بخير حكينا كتير وسألتو كيفك انتي والشغل كيف وين صرتو شو عم تعملو في تقدم او بس تثبيت
قلي قطعنا مرحلة كبيرة وتقدمنا على المنطقة كذا…. والموقع كذا… ومن بعد سلام وكلام …
قلي انا يمكن إنزل بكرا علبنان شو بدك اغراض من هون لحتى جبلك ياهن معي…
قلتو على المغرب بدقلك وبحكيك او ببعتلك هني واتس اب … قلي ناطرك
قلتو يالله دير بالك عحالك وبحكيك انشاله
على المغرب بعتلو كيفك ليك رح أبعتلك فويس بي الأغراض لي بدي هني
قلي اه هلأ بسمعوا… تأخرت انا شوي لبعت الفويس …
بس بعتوا وصل بس ما فتحوا…
بهيدا الوقت كانو عم بجهزوا لهجوم عشان إجاهم أخبار إنو (داعش) بدها تعمل هجوم وتستعيد المناطق لي خسروها…
(13/8/2017)
تابع…
فقت الصبح حسيت حالي مزعوج
رحت أشرب فنجان قهوة
نحنا وقاعدين جبنا سيرت الشهيد أحمد
ولي كان عم يسألني قلي مشتقلو كتير…
قلتو مبارح حكيتو وهوي منيح يمكن يطل
بهاليومين …
وبهيدا الوقت لكنا عم نحكي عنو…
كان أحمد متصاوب إصابه بليغة كتير
وانا بعد ما معي خبر…
خلصنا ورحت عالبيت حسيت حالي تعبان
تسطحت شوي ما كان يجيني نوم
بعد وقت بدأ تلفوني طلعت الأسم……….
وقلت مافي بالعادة يدقلي هيدا الشخص
دغري بدون ما فكر كتير خطر ببالي خيي
أحمد… رديت قلي كيفك وهيك …
قلي انتي وين … قلتلو بالبيت … قلي في حدا حدك… قلتو لأ شوفي يا حاج…
قلبي بدي قلك شي بس ما تنهار… سكتت شوي قلتو أحمد إشبو شي … سكت وقلي أحمد استشهد وشوف كيف بدك تخبر أهلك
هون انا وقفت طلعت شو بدي أعم سكرت الخط…هون بلش الأخد والرد شو بدي أعمل
ضهرت من البيت طلعت بالسيارة دقيل لبيي.. قلتو وينك قلي بالبيت قلتلو ماما بالبيت قليي قلت يالله طالع لعندك…
وصلت كان عم يحضر كلمت السيد حسن
طلع فيني قلي شو أشبك … هون نزلت دمعتي .. قلي شو في أحمد إشبو شي …
قلتلو أحمد متصاوب… قلي مستشهد او متصاوب…طلعت في وقلتلو أحمد ستشهد
نزل على الأرض باس الأرض بكي كتير وسجد وقال يارب تقبل منا هذا القربان
شلتو عن الأرض وعبطني وقلي (يالله يابيي كنتوا ٣ صرتو ٢😭 هون انا بكيت كتير وقلي انا هلأ كبر همي يابيي وكبرت مسأوليتي الله يعيني على الباقي من حياتي….
