الدكتورة جادت طحان: “كرمال ما نخسر يلي منحبن .. وكرمال نخلص ونخفف هالوباء خلينا ناخد اللقاح”
نشرت الدكتورة جادت طحان إبنة بلدة عدلون على حسابها الخاص في فيسبوك بعد تلقيها الجرعة الأولى من لقاح كورونا
ما بَعرِف شو السر ورا الترويج المكثف على وقائع التواصل الاجتماعي ل روايات ما بعد لقاح ” الكورونا”،و عن تغيير ب جيناتنا ، واللي رح يخللي سلالتنا تختفي أو تخلينا من أصناف الحيوانات 🤦🏽♀️
بسبب هالاغبياء كتار رح يْعدّوا للألف قبل أخذ اللقاح مما سيوُخر معركتنا مع الفيروس و يخلينا ما نرجع لحياتنا الطبيعية بسرعة 🤷🏽♀️
يا ريت تشككوا يا جماعة تشككوا بكل شي حولكم غير اللقاح ، بزعمائكم مثلا اللي أمطروكم وعود كاذبة و وصّلونا ل يللي نحنا في هلّق
العلم بيقول : كلما تأخرنا بأخذ الطعم كلما ازدادت احتمالية تحول الفيروس و تغيره الى سلالات مقاومة للطعم المتواجد بين ايدينا هلّق
لإني بآمن بالعلم و بتطور صناعة الادوية و اللقاحات اخدت اليوم اللقاح
و على اسم الله اللي مابيضر مع اسموا شي 🙏
