علي طلعت نجمة إبن بلدة عدلون .. يقدم درساً في التعامل مع المرض النفسي .. ويروي لنا قصته المريرة
كتب ابن بلدة عدلون السيد علي طلعت نجمة على صفحته فيس بوك معانته مع المرض النفسي واصفاً الإضطراب النفسي مش عيب
الصحة النفسية جزء لا يتجزّأ من الصحة؛ وبالفعل، لا تكتمل الصحة بدون الصحة النفسية.
منشور شوي طويل بس مهم ❤️🌿
كتار من المتابعين بيشوفني كتيير بركز ع #الصحة_النفسية و بحكي عنها بمعظم كتاباتي، هالشي من زمان لإنو كنت اقرأ كتب من صغري عن #الصحة النفسية و تأثيرها عالصحة الجسدية و العقلية.. من فترة مش من زمان كتيير حكيت تجربتي يلي ما بستحي فيها، حكيتها بالوقت لكنت عم إرجع لطبيعتي بعد علاج بالأدوية و جلسات دعم نفسي أجريتن ب #بيروت.. هيدي قطعناها.. و حكيت بصوت عالي من بعد ما بلشت رحلة العودة، و إكتشفت أديش مهم الواحد يكون متصارح مع حالو و عم يفكر بصوت عالي، و يفيد يلي حواليه بطريقة التفكير الإيجابية..
#اليوم و بعد فترة من الأوجاع الجسدية الملعونة من شدتها يلي كنت عم عاني منها، ، فكرت حالي في شي عالمستوى الجسد.. خاصة انو بعدني عم آخد دوا العلاج النفسي.. يعني ما خطر ببالي بأي شكل اني قول اني مش مرتاح نفسيا.. من كتر التفكير بالموضوع و وجع الراس المستمر و غيرها من العوارض ما رح سميها كلها صارت معي كريزة كهربا، يلي صرلي فترة كبيرة مش صايرة معي.. بس عملت كل شي فحوصات خبرني الحكيم انو ما في شي بيخوفنا ع مستوى الجسد و لكن بعد شرح القصة عرفت إنو رجعنا عالمستوى النفسي يعني هيدي عوارض #الإكتئاب هالكلمة انا ابدا ما بتخوفني هي بقاموسي شي موجود ما في منو مهرب و كان لازم نرجع نسيطر عليه حتى ما تشتد العوارض اكتر من هيك.
كان جوابي متل ما الحكيم متعود عليي.. ولوو هيدي صغيرة حكيم بعرف الصحة النفسية كتار بيستحوا يحكوا فيها بس انا ما عندي مشكلة مع الموضوع.. رح نرجع صخور متل الأول و أحسن 💙..
