بالصور: عائلة تطلب المساعدات بشكل دائم.. والمصيبة انو عندهم مونة بتساعد ٣٠٠ عيلة
تداول ناشطون على مواقع التواصل ما نشرته احدى الناشطات التي تقوم بجمع تبرعات وحملات خيرية لتأمين مساعدات غذائية للعائلات المحتاجة، من صور لكميات من المواد الغذائية وافادت بأنها في بيت عائلة تطلب المساعدات بشكل دائم وهي تملك ما يساعد الكثير من العائلات.
وكتبت الناشطة: “تفضلوا يا جماعة هيدا بيت عيلة من العائلات يلي بتحكيني و بتطلب مني مونة بيتن في مونة بتساعد فوق ال ٣٠٠ عيلة عندا فوق ال ١٠ مجامع حليب الكبير و حق المجمع فوق ال ٥٠ ألف و هيدي العيلة مش مخليين ولا غروب غير ما عم ينزلوا بوست عليه ويطلبوا فيه مساعدة بدن يفتحوا فيهن سوبر ماركت الله لا يوفقكن و لا يسامحكن هودي الغراض منطعمي فيهن ١٠٠٠ ولد و ١٠٠٠ مسن و أد ما الغراض كتار حاطينن ب خزانات التياب و للمرة المليون ما تساعدوا حدا غير ما تروحوا تكشفوا عليه او تكون حالتو نازلي على صفحة معروفة او جمعية لما انا ما بحط رقم العيلة عالفايسبوك بعرف ليش ما بحطوا لان رح يتساعدوا من دون ما اعرف و يقلولي انو ما تساعدنا لما الواحد ينبهكن وينشر هيك بوست بتوقفوا عنو لانو مش مسخرة تفضلوا شوفوا ب عينكن و اعرفوا اديش مهم الواحد يقرا و يتأكد من أي شي الله لا يسامحكن ألف مرة.