آية فارس إبنة بلدة عدلون تنشر قصتها قبل زيارتها لكربلاء .. “الإمام الحُسين (ع) إذا طلعت فيه من قلبك هو موجود معك ومستحيل يتركك”
نشرة السيدة آية فارس إبنة بلدة عدلون على حسابها الخاص في فيسبوك قصة معبرة عن فضائل الإمام الحسين (ع): “في قصة بدي إحكيها صارت معي شخصيّاً وخلتني إتأكد إنو الإمام الحُسين (ع) اذا طلعت فيه من قلبك هو موجود معك ومستحيل يتركك .. قبل بفترة كنت بزيارة الأربعين، حمدالله كان معي مصاري بكفو حاجاتي بس خفت ما يكفوني كوني طالعة ٢٤ يوم وكانت نيتي إخدم الزوار المهم طلبت من إمي جزدان صغير علقو برقبتي كرمال حط المصاري فيه (هيدي قبل بجمعة من سفري) أنا ونازلة عالمطار بعدني خايفة اذا ما أدّوني المصاري هونيك .. قلتلها لأختي رح حط المصاري فيه احسن ما يضيعو .. فتحت الجزدان وإذ بلاقي فيه ٢٠٠$ هون أنا انصدمت كيف إجو لهون، دقيت لإمي قلتلا إنتي تاركيتلي مصاري بالجزدان كان جوابها لا تلبكت مش عارفة شو احكي ولا فكر ولا شي مع العلم إنو هيدا الجزدان آخر مرة استعملتو من سنتين لما كنت بأول زيارة للحسين ، وبعدني لهلأ ما بعرف مين حط المصاري ولا بعرف كيف وصلو للجزدان بس يلي تأكدت منو إنو الإمام الحسين هو بعتلي ياهن لحتى يسرلي أموري”
#شكراً_حبيبي_حُسين ❤
